توحيد الزي الجامعي في السودان

موضوعك يا السمورة يستحق المناقشة فعلا.
من رأي انو مايتنفذ لأنه سيشبهوا طالب الجامعة بطالب الثانوي و هذا تقليل من قيمة الطالب الجامعي ولن ينفذ إن شا الله

مشكوره السموره على تسليط الصوره على القرار اولا اتفق مع الاخ مصدق على موضوع تشبيه طالب الجامعه بطالب الثانوى لانو فى اعتقادى دا بقلل من قيمتو ومن مستواه العقلى فى انك تحدد ليهو يلبس شنو وبعد شويه ياكل شنو ويشرب شنو ومن ناحيه دينيه معروف الزى الشرعى لم يحدد بابيض او اسود معروف شرعا حدود العوره للرجل وللمراه وما يجب لبسه للمسلم الرجل والمراه المسلمه وما عارف الغرض منو شنو ومااظن طلاب الجامعات حا يتقبلو القرارا او يقبلو بتطبيقه من وجه نظرى انو قرارا خاطى والغرض منو غرض امنى فى المقام الاول بعدين تعال قرينى مجانى واتكفل بمصاريف الاعاشه للطلاب وتعال قوليهم البسو شنو ودمتم بخير

رأيك ثاقب يا طلال ،لا أظن انه حيتنفذ

قولوا لاااااا لتوحيد الزي الجامعي

سمعنا هذا الكلام قبل ان ندخل الجامعات لكن من يستطيع ان يواجه الطلاب ويامرهم بتوحيد الزي الجامعي . من لا يعرف الطلاب يقل هذا الكلام فوالله لو اجتمعت كل الحكومه علي قلب رجل واحد لن يستطيعوا توحيد الزي الجامعي

تحية طيبة وتقديرا للجميع ولآراءهم الطيبة


اما رؤيتي الشخصية للموضوع فأنا ارى انه من الافضل
توحيد الزي الجامعي خاصة في الوقت ده لأنو الجامعات
أصبحت الازياء فيها بشقيها النثوي والذكوري
أصبحت تمثل في غالبيتها نوع من الاستعراض
وده ياجماعة اكيد بيترك تأثير اجتماعي ربما يولد عند
البعض نوع من المقارنة بين وبين وهذه المقارنة
قد تقود الى بعض الاحقاد الطبقية او ربما تترك رواسب
تولد في الشخص الضعيفة بوادر شعور بالدونية
امام الاخرين وبالتالي حتخرج الجامعات بعض الناس
وهم يعانون من امراض اجتماعية لا يحمد عقباها

يعني بنطلون اسود مع قميص ابيض او رمادي


اسكيرت فضفاض وسااااتر مع قميص باكمام طويلة
وواسع من ذات اللون او لون بناتي موحد
مع ربطة شعر وطرحة

صالح عثمان كتب:

السمورة كتب:

سمعنا انو الرئيس البشير اصدر قرار بتوحيد الزي الجامعي في السودان ....
فما عارفا هل هذا القرار فيهو مصلحة الطالب الجامعي ام لا ...
انا في رأي انو كويس لانو بخلي كل الطلاب يلبسو زي موحد ...لكن برضو الجانب التاني فيهو انو بتكون تكلفة للاسر واعباء اضافية ..

الزي الموحد من وجهه نظري مقيد
واذا تم هذا القرار فان الجامعات ستتكفل بالزي وليس الطلاب والاسر لانه اذا لم تتكفل به الجامعات فيمكن ان ياتي طالب بزي مخالف ومبرره انه لايمتلك سعر شراء الزي المحدد.ودمت بود

شكرا يا صالح على المرور والاضافة ..وعجبتني جدا حتة انو الجامعات تتكفل بالزي والله يا صالح الا تكون جامعات خاصة وحتى لو كانت جامعات خاصة برضةو بتضييفو لمصاريف الدراسة اللي بتكون بالالوف ...

والله يا اخوتي لا اظن ان طالب عاقل يمكن ان يوافق علي هذا الكلام . وهذا القرار لا يصدره الرئيس بل يتفق عليه الطلاب فيما بينهم لانهم الاعلي سلطه في الارض