الدراب للاحباب

]يا ناس المنتدى هاكم الدرابة دي:
قالو احسن منتدى منتدى رفاعه
كلامم صح ولا كلام تجار وباعه؟
كان علي اقلامكم جاهرني ابداعا
وانتو شن بتقولو يا بت ويا ود رفاعه؟؟؟؟
(يلا واصلو معاي وردوا بدرابه)

زائر

كلامك صاح ولا كلام تجار وباعه ...
درر منظومة وماهو كلام اشاعة ...
يا ريت يا ساندريلا نسمعو كل ساعة ...

ساندريلا كتب:: ]يا ناس المنتدى هاكم الدرابة دي:
قالو احسن منتدى منتدى رفاعه
كلامم صح ولا كلام تجار وباعه؟
كان علي اقلامكم جاهرني ابداعا
وانتو شن بتقولو يا بت ويا ود رفاعه؟؟؟؟
(يلا واصلو معاي وردوا بدرابه)

الليله ظهرت مبدعه اسمها ساندرــــــيلا

كلامها جميل ورهيب ولوحه مكمــــــلا
وناس منتدي رفاعه دائما في العــــلا
تاني معاك في الدراب البشيل الجـــلا

الابداع سمتكم والزوق وارثنو وراث
ماكن ناس بطانة ابو سن خير الناس
وكدتن تقلبو الحارة لا بطشو سيف ولا راس
احباب الحبيب والعدو بتمسوهو بايت في الاجداث

زائر

انتو الجمال يا ناس منتدى رفاعة
الرقة والظرافة وكمان السماحة
البجيكم دائما نفسو تكون مرتاحة
شكرا ليك يا ساندريلا يا لماحة...

تسلم اخوي البي حب رفاعه مجنون
وانشالله تواصلك معانا في الدراب يدوم
وتجدع لينا درابة درابتين في كل يوم
واحفظكم يا ناس الدراب الحي القيوم

رفاعة الحلا زاتها وناس المنتدى بشربو من كاسها وساندريلا ما قصرت في رفع علاتها وفي الجزيرة ما بتشاف شي غير حلاتها

يا هلا باخوي مصدق في الدراب
كلامك زين وسمح وماهو سراب
وياهو البندورو كترو واخد فينا ثواب
احنا العطشانين للدرابة اجدع لينا نشربا شراب
وداوم معانا ياخوي ومن الدراب خليكم قراب

قالو رفاعة بلد علم من كتر علمها ما بتنفهم وقالو إنها بتزيد الفهم وقالو لوانقسم السودان دي الوحيدة المابتنقسم

اشتقت ليكم ياحلويـــن
واشتقت لي درباكم الزين
غبت منكم يوميــــن
والله كاني غائب سنتيـن

وين ياساندريلا مسجله غيــاب
ووينك سيبتي الدراب للاحبــاب
انشاءالله يكون غيابك خير موعذاب
ومنتظرين عودتك ياملكه الـدراب

ازيكم يا احلا اصحاب
والله انا ما كذاب
ولا بتاع دراب
ولمن اقول انتو عذاب
وريدكم اكبر من حجم الهضاب
وشوكقم زى مطر السحاب
بيسقى سهول مليانه زهور وجمال خلاب
اكون يا داب فتحت الباب
لاى كون حب الاصحاب
لاى نيل عاشقنو وبعشق فيكم يا احباب

مشتاق ليكم يا أغلى ناس وشوقي ملان مشاعر وإحساس إنتو أجمل زي ماقالو الناس بحبكم كلكم بدون قياس ريدي ليكم زي العلم في الراس

سـلام يا نـاس الدراب المعاكم زول البطـانة برتاح
لو بالكـيف ما نودعكم لا في اللـيل ولا في الصـباح
نمسي سُقُد ونصبح حمام بس ما نفارقكم ونودع الافراح
علا الدنيا ما بالكيف يوم تجمع ويوم تلاوز تفارقنا وتعيد الجراح

زائر

يلا يا شباب الدراب بي نشاط وهمة
خلونا نرتقي بي منتدانا ونخليهو في القمة
يكون دائما مزدهر وفيهو احلى لمة

مادام فيهو متلك البي هوا رفاعه مجنون
تب ما بتجينا عوجها اصلو الحلم يا اخويا ظنون
وانا ظنيت فيكن الخير ابدعو لينا وقولو فنون
و كان بالزوق منكم وفيكم وطيب القول ما بشرولو سنون

الدراب زعلان ليش يا ناسو هاجرنو
ولا بتنظم فوقو كلام تقول عديل مقاطعنو
شن زنبو هجرتو براو وفي الادبي زارعنو
تعالو ارمو درابة اتنين واحلفولو يمين ماكم فايتنو

حاضر جيناهو ياملكه الدراب
انتي سيبتيهو وبقي وبقي فاضي وخراب
انشاءالله تاني مافايتنو ونرمي دراب مااسكراب

ساندي انا مما جيت ما لاقيتك انتي وين

صالح عثمان كتب:: حاضر جيناهو ياملكه الدراب
انتي سيبتيهو وبقي وبقي فاضي وخراب
انشاءالله تاني مافايتنو ونرمي دراب مااسكراب

[color:f01c=violet]كان غبنا ما انتو قاعدين
انظمو فوقو دراباً لين
درابنا درابكم وانتو الحارسين
ما تغب منو عديل يا زين؟؟

عاصم كتب:: ساندي انا مما جيت ما لاقيتك انتي وين

عوك يا عاصم يا ود الام يا ود الاب
الما بتفات لا في شجاعة ولا في ادب
كلامك زين قولك فصل حكمك دهب
ووقت الحارة نارا على العدو قامت تتشب
يا فارس البطانة الما بتتذم ولا بتتسب

والنظم فيك لا بشكر ولا كضّب

وداعنا لشهر الخير قبل ما اغادرنا ليهو حنين
ان شاء يعود علينا بركة والاهـل متلمـين
وهداك عيد الخير ابشـر حبابكم يا الزينين
بدور اقلّو حبـابو عيدنا الفطّر الصايمـين
حبابـو الفرح عيالنـا بالجديـد مكسيـين
نضحكـلو ضحكة ونبكي ونـدس الدمعـتين
دمعه لفراق خير الشهور رمضان نوّار السنين
ودمعه للمتنا في التتروح نمسي واحنا متصافيين

سلام اناس سلام يااقمر سلاام يا نجـوم
سلام مخصوص بدون فرزعموم وعموم
ربنا يتقبل صيامان وقيامنا والاجر مردوم
ويجمنا بيكم يالغلين الخاتين الملام واللوم

ظــــبي الريــــل الــشارد ونــــــافر الانيـــس والهمسة
خلاني اســـاقد الليل صبـاحي انوح نهاري لــــين يمسي
االظـــريف العفـــــيف الوريف فاقدنو حـواسي الـــخمسة
وجـــــــهو فاق قمــــــر عشـــــــــــرن وزايــد خمسة

البحراوي كتب:: ظــــبي الريــــل الــشارد ونــــــافر الانيـــس والهمسة
خلاني اســـاقد الليل صبـاحي انوح نهاري لــــين يمسي
االظـــريف العفـــــيف الوريف فاقدنو حـواسي الـــخمسة
وجـــــــهو فاق قمــــــر عشـــــــيــــرن وزايــد خمسة