التصويت من اجل الوحده ام الانفصال

من اجل الوطن السودان صوت للوحده ام الانفصال

لك التحيه الاخ عاصم
قوه السودان في وحدته ولو انفصل جنوب السودان سينفصل الغرب والشرق وسيكون الجنوب محطه لدول الغرب لتنفيذ كل نواياها السئيه تجاه السودان.
اتمني من داخل قلبي ان يبقي السودان موحدا وصامدا .ولك مني كل الود

لك الشكر اخي صالح فلنعمل معا من اجل وحدة السودان ارضا وشعبا

في الاتحاد قوه
كما قلت خالي صالح سيكون الجنوب محطة لدول الغرب

هذا لا يختلف فيه اثنين فالان الجنوب به مصانع اسرائيليه

اكيد لا لانفصال بس للاسف بعد ايه وزى ما غنى وردى بعد ايه جيت تصالحنبى وربنا يجازى الكان السبب وكل مانقول خلصنا الليل يطلع باكر ليلا اطول واحنا من ليل لاى ليل من الاستقلال والنتيجه حا تكون كارثيه دولتين وشعبين عدوين وتغير خارطه واستعمار حديث جدا نفصل دوله ونديرا ونستقل مواردا تقليل الذحف الاسلامى هكذا بدات الفكره وهكذا ستكون وحانفضل فى ياريت وخصاره للاسلام وللوطن الحبيب اواكانت هنالك حيارات الحرب او الانفال اكيد لو عشنا اخوان كان حايكون افضل وامثل بس دا كان بيتطلب مننا نتنازل لانا حاسين انهم اقل مننا ودا جنوبى ودا شمالى ودا غرابى وضاعت الهويه وصارن علمين او حا يصيرن اكيد الوجع كتير والكلام كتير ودمت سالم ومعافى ياوطن ياغالى

لك الله يا وطني
الاخ طلال السودان اصبح ساحة معركه لاطماع المجتمع الدولي ونحن ساعدنا المعركه علي النشوب لذلك لا بد من الوقوف يدا بيد من اجل اجمل غد
وكل ما نقول كملنا الليله اطلع باكر ليلا اطزل
وكل ما نقول خلصنا الشيله تطلع شيلة باكر اتقل
بس نتحمل ونصبر و(نعمل) عشان الجاي صباحا اجمل
ومهما ما طال الليل اكيد من بعدو صباح يمحو ما دار فيه

العزيز عاصم خايف اكون الاوان فات لانو علوق الشده زى مابقولو مابنفع واتحملنا كتير وماعملنا من الاول والجمره بتحرق واطيها وحساسى زى المات لى عزيز والله يجازى الكان السبب والحل بقى فى انتظار المعجزات ورغم اى شى حا نعيش على امل بكره لانو لازم يكون احلى حتى لو عشنا على المعجزات وحا نعمل لانو العمل ماحيقيف وربنا يستر امكن هم (ربنا يستر منهم هم)أأأأ

يا اخوي مافي اوان فات لازم نناضل حتي اخر لحظه عشان السودان وعشان نثبت راينا كجيل انو بذلنا قصاري جهدنا (وان كان في الزمن الضائع) من اجل وحدة السودان

زائر

المشكلة انو لا الشمالي راضي بالجنوبي ولا الجنوبي راضي بالشمالي ..وكل واحد بشوف نفسو احسن من التاني ..
............

يا اخت السموره

هذا ما زرعه فينا المستعمر واصبحنا كلنا عبيدا له حتي بعد ان نقلنا استقلالنا ( واشك في هذا ) لذلك لابد منا كجيل واعي بمشاكل الدوله السودانيه وبويلات الانفصال ان نعمل جميعا من اجل حياه كريمه لنا كلنا بدون تفريق ما بين ابيض واسود , شمالي او جنوبي , المهم اننا ابناء وطن واحد . المهم في الوقت الحالي الوحده اما عن الباقي فسيناقش فيما بعد لان الاولويه ليست لنقاشات السلطه والثروه وانما للنقاش عن الوحده وعن السودان اما يكون او لا يكون .

لذا ارجو من الجميع داخل وخارج الوطن السودان العمل من اجل وحدة السودان ارضا وشعبا .

معا من اجل وحدة السودان
معا من اجل محاربة التمييز العرقي

عاصم محمد عثمان
الحزب الاشتراكي العربي الناصري