شعـراء أم هبـج يتـألقون

زينب فى البنوت مى داب سماحة زى
شن تـشبـه بـــلا اللدتو أمــو ودى
فيها تلت خصالا ما حواهن حى
الصبا والجمال عقب اللهيج النئ

بعد سبعين سنة وبيض سبيب عينى

ما بحسب بساهر من طوارق الغى

شوق زينب ترى خلانى منى ولى

أشكى على الغصون لى من يعرف ألبى

ما بتشوفنى هسع كيف بقيت مى اياى

يوما تب اغيب ويوم اطش بى خلاى

فرق زينب بلحيل قل على حياى

فيها شبه خلق بريبة الباسياى

واحدة منهن قالت ولوفنا تراهو

قلت ليهن نعم محسوبكن اياهو

الصبا والجمال الدايرو ها اللبراهو

ترى هدا الهرد قلبو وقسمها وكلاهو

الـشـم خـوخت بـردن ليــالى الحـره

والبـراق بـرق من منـا جــاب القـره

شوف عينى الصقير بجناحو كفت الفره

تـلقـاهــا ام خــدود الليله مرقت بـره

تعـرف لـى مشاهيد الـرقـاد والفـره

فــلاخ المصب بيهـو بتبين تتـوره

فوق حيا فوق محل من الصعيد منجره

شاحد الله الكريم ما تلقى فيه مضره

اب عـراق فتـق قـرنـو المبادر شره

والبـاشنـدى عـمت مهششيب الـدره

من النقره كل حين فوق عليو منصره

هــا الايـام محـاريـها القليعه ام غـره

قدمت من هنا مي بضانها سمعت كره

فـوق كـارتـوت شخـيتيـرا تخـيـن خـره

قـلاتـو الـوهــاط بـى لـشـغه قبلو محـره

يا بـاســط النـعم تسقيـها فـى هـا الــمـره

ابداع والله ابداع